ИЖИЙ

Манай ижий бол
Маш сайн донор
Хүний амьны төлөө
Халуун бүлээн цусаа
Харамгүй их зориулсан
Хүндэт донор хүн
Энэ миний ижий
Энэрэнгүй сэтгэлт донор
Жүжиглэхдээ жүжиглэнэ
Жоорлохдоо жоорлоно
Цэвдэг хүйтэн сэтгэлгүй
Цайлган цагаан сэтгэлтэй
Сэргэлэн цовоо зантай
Жаал жуул чихэр байвал
Жаахан муусайн бид нартаа өгдөг
Манай ижии бол
Маш сайн донор

МИНИЙ БАГШ

Эрдэмтэн мэргэдийн ухааныг
Энгийн шавьдаа заасан
Эрэлхэг зоригт баатар
Энэ бол миний багш
Олон багшийн дундаас
Онцгой авьяасаараа тодорсон
Орчлонгийн бүх эрдмийг
Олон шавьдаа заасан
Оргилох хүслийг минь бадрааж
Онц сурах үндсийг тавьж өгсөн
Одод эрхэстэй харилцахыг
Одоо л би ойлгосон
Олон арван шавийг
Он дараалан төгсөгсөн
Энэ бол миний багш
Монголын сайн багш
Мөнхөд зүрхэнд минь орших шүтээн

МИНИЙ ЭЭЖ

Хорвоо дэлхийн ээжүүд олон ч
Хонгор ээждээ би хайртай
Дөлгөөн сайхан харцтай
Дулаан сайхан сэтгэлтэй
Энэ дэлхийд намайг төрүүлсэн
Элбэрэл буянтай ээж минь
Ааш зан сайтай
Алиа хөөрхөн ээжийгээн би
Долоон бурхан од шигээ
Дандаа шүтнэ би

ӨВӨӨДӨӨ

Үүрд мөнхийн насаа
Үр хүүхэддээ үлдээгээд
Өөрөө болохоор
Өнө мөнхийн диваажин руу зорьсон ч
Миний зүрхэнд бол
Монгол бичгээр маш сайн уншиж бичдэг
Мундаг сайхан өвөө минь хэвээр
Үргэлж инээмсэглэж явдаг
Үнэхээрийн сайхан та минь
Өрөвч халуун сэтгэлтэй
Өвөөгөө би чинь
Үргэлж хамт байх мэт
Эндүүрч андуурч явжээ
Буурал хорвоогийн жамыг
Буцааж охин нь чадахгүй ч
Буянтай буурал таниараа
Бахархан хүндлэх болно
Эрдэм оюунт өвөө минь
Энхрий үрс бидэндээ
Эргэж дахин төрөөрэй.

МАЛЧИН

Миний дүү Д.Эрдэнэсангийн бага охинг М.Должинсүрэн гэдэг. Дундговь аймгийн Өндөршил сумын дунд сургуулийн 5 дугаар ангид сурдаг юм. Багын их сэргэлэн адтай Должин минь шүлэг хөөрхөн бичдэг болжээ. Сая цагаан сараар очихдоо Должинсүрэнгийнхээ бичсэн шүлгүүдийг уншлаа. Ингээд авьяаслаг дүү Должин миний блогт нээсэн булангаа шүлэг болон зохиомж сэтгэгдлээрээ хөтлөн эрхэм таньтай учирж байх болноо.
Монголын ард түмэн
Малчиддаа туслах аяныг
Маш их өрнүүлж байна
Мянга мянган малаа өсгөх гэж
Малчин ард түмэн минь
Мундаг их зүтгэж байна
Өвс тэжээлээ эртхэн бэлдвэл
Өнөөдрийнх шиг ингэж зовохгүй
Өвлийн цагт жаргалтай байна
Өвөг дээдсийн минь үлдээж өгсөн эрдэнэ
Өвлийн минь идэш
Монголын ард түмэн минь
Мал сүргээ хайрлаж хамгаалцгаая
Арьс ширээ борлуулах гэж
Аргаа ядаж байгаа малчидаа
Аргадаж хайрла
Ах дүү нар минь
Баян ядуу хамаагүй
Байдаг чадлаараа туслагтун!
Элгэвч нэмнээ ялгаагүй
Энэрэнгүй сайхан сэтгэл байхад болно.