4 УРИЛГАТ ОРОЛЦЛОО...

9917.... танихгүй дугаар залгаж байна. Би уг нь танихгүй дугаар авдаггүй юм. Гэтэл яагаад ч юм энэ дугаарыг авчихлаа. "-Байна уу? Наранцогт уу? Үндэсний телевизийн 4 Урилга нэвтрүүлгийн хөтлөгч Ариунгэрэл байнаа, Таныг нэвтрүүлэгтээ урьж байнаа..." гээд л ярьдаг байгаа. Хийсэн бүтээсэн, хэлэх ярих зүйл багатай би энэ нэвтрүүлэгт орно гэхэд арай л "ахадсан" санал гэж бодон эхний удаад татгалзлаа. Долоо хоногийн дараа ахиад л Ариунгэрэл холбогдож нэвтрүүлэгтээ урилаа. Ингээд л би гэдэг хүн зориг шулуудан Монголын хамгийн олон үзэгчтэй "4 УРИЛГА" нэвтрүүлэгт оролцлоо.  Миний хийж бүтээж байгаа болон хийх гэж байгаа ажлыг минь олж харсан овсгоотой сэтгүүлч Ж.Ариунгэрэлд маш их талархлаа. Юутай ч миний оролцсон нэвтрүүлэг хүмүүст нэлээд хүрсэн бололтой. Үзсэн хүмүүс ихэнхи нь магтаалын үгээр "шагнасан" шүү. Цөөхөн Монголчуудын ихэнхийг нь дэлгэцийн өмнө саатуулдаг "4 Урилга" нэвтрүүлэгт оролцсондоо таатай байна. Энэ нэвтрүүлгийн хөтлөгчид болох Ариунгэрэл тэргүүтэй 4 хөтлөгчид ажлын амжилт хүсээд талархаж байгаагаа уламжилж байна. Миний оролцсон нэвтрүүлгийг үзэхийг хүсвэл http://www.youtube.com/watch?v=PDaAjlqbkw8 энэ хаяг руу зочлоорой...

ТАЙВАН ЗАНГААРАА БҮХНИЙГ ЯЛНААААА!!!

Би нэг л тайван болчихож. Юунд ч яарч сандарч тэвдэхээ больчихсон байхым. Дүрс хийтэл уурладаг, байж сууж чадахгүй бачимддаг, аливааг хийх гэж адгаж яардаг зангууд минь бүгд надаас “дайжан” одож. Хүний аура буюу гэрлэн бүрхүүл уурлахаараа бас даарахаараа улаан, амарч тайвшрахаараа ногоон, энгийн үедээ хөх өнгөтэй байдаг юм гэлээ. Одоо ч бид хоорондоо ярихдаа “-Улайж минчийтлээ уурлаад л... Даараад хацар нь улайчихаж, Ногоортлоо унтаад, Ногоортлоо архидаад л...” гэж ярьцгаадаг. Юуг ч бодож санахгүй архидаж байгаа хүн, унтаж амарч байгаа хүмүүсийн аура ногоон байдаг болоод л ингэж хэлүүлдэг аж. Тэгвэл миний гэрлэн бүрхүүл сүүлийг үед ногоон, хөх өнгөөр л сүлэгдээд явна даа. Гэхдээ би ногоортлоо архидаагүй шүү. Бас ногоортлоо ч унтаагүй. Урьдных шигээ л хийж бүтээх гэж эрэлхийлж явна.
Дотны анд гэж найзлан хамтарч ажиллаж байсан хүн надад хэлэлгүйгээр олон улсын байгууллагаас 30-аад сая төгрөгний төсөл нууцаар авч өөдгүй зан гарган энэ бусармаг үйлдлээ миний зөв хэмээн өөрийгөө өмөөрөн тэнэгтэн над руу дайрч давшлан загнахад нь ч би тайван байлаа. Уг нь би үзэлцэж л байх ёстой хүн. Гэтэл тэгсэнгүй. Өнөөдрөө өнгө мөнгөөр хэмжиж сохор зоосны төлөө найзаа золиослохоо юман чинээ санадаггүй ахархан бодолтонтой хэрэлдээд ч яах билээ дээ. Би өнөөдрийнхөө амь зуулгын төлөө биш ирээдүйнхээ төлөө ажиллаж амьдарч байгаа болохоор тайван байхаас өөр аргагүй биз дээ. Өнөөдрийнхөө амь зуулгын төлөө амьдарч байгаа бол би Монголын баячуудын нэг явах байлаа. Үүнийгээ хаана ч хэнд ч ам бардам хэлж чадна шүү. Олон улсын байгууллагын нэр хүндийг унаган төслийг гарынхаа алганы аясаар шийддэг дарганцартай ч тайван замаар “үзэлцэнэ” гэж бодож байгаагаа нуух юун. “Үнэнээр явбал үхэр тэргээр туулай гүйцэнэ” гэдэг ардын үг шиг “тэнэгээрээ” дуудуулж байгаад “улайж минчийтлээ уурлахгүйгээр” тайван зангаараа бүхнийг ялан дийлнэ дээ.

“ДОНОР БҮСГҮЙ” ЗОХИОМЖ МИНЬ АМАН ХҮЗҮҮДЛЭЭ

2 сарын өмнө “НАЙЗ” сэдвээр уралдаан зарласан байхыг олж хараад тоосоо өргөхөөр шийдлээ. Ингээд өөрийн блогтоо нийтлэсэн найзуудынхаа тухай дурсамжуудаасаа энэ уралдаан руу явуулсан юм. Гэтэл 2 хоногийн өмнө уралдааны дүн гарч миний “ДОНОР БҮСГҮЙ” зохиомж дэд бйаранд орсон байна. Ингээд би өчигдөр шагналаа гардан авч Юнителийн live модем болон англи-монгол хэлний зурагт толь бичгээр шагнууллаа. Миний блогоор байнга зочилдог эрхэм уншигч та “Хорих анги” гэсэн холбоосонд байгаа “ДОНОР БҮСГҮЙ” зохиомжийг минь уншаагүй бол уншаарай. Би таныг “ДОНОР БҮСГҮЙ” зохиомжоороо “дайлж” байна шүү.

МИНИЙ ХҮСЭН ХҮЛЭЭЖ БАЙСАН 2011 ОН ИРЛЭЭ

Би 2011 оныг тэсэн ядан хүлээж байсан юм. Миний хүлээж байсан он хүрээд ирлээ. Би энэ онд их ажил амжуулахаар төлөвлөсөн юм. Юутай ч хүсэн хүлээж байсан он хүрээд ирсэн болохоор би цаг хугацаатай уралдан ажлаа амжуулах л үлдлээ. Энэ онд хийхээр төлөвлөсөн ажлын нэг нь “ЧИНГЭС ХААНЫ ЭЛЧ” дэлхийг тойрох аялал. Энэ аяллыг хийх гэж би сүүлийн 4 жил бодож төлөвлөсөн юм. Сүүлийн үед хүн болгоны сэтгэлийг дэлхийн дулаарал, цаг уурын өөрчлөлт, цөлжилт, элсний нүүдэл зовоож байна. Чимээгүй гамшигаас яаж гарах арга замаа хайж дэлхий нийтээрээ “эрэл хайгуул” хийж байгаа энэ үед би “ЧИНГЭС ХААНЫ ЭЛЧ” аяллыг хийхээр зориг шулуудаад байна. Манай аяллын багт Улаанбаатар дээд сургуулийн ХАА-н тэнхэмийн багш, ойн инженер, докторант Д.Сүхбат, Боловсрол мэдээллийн төвийн багш, магистр Д.Отгонсүх нар багтаж байгаа. Бид гурав Ази, Африк, Европ, Австрали тивийн 52 орноор нэг жил нэг сарын хугацаатайгаар аялахаар төлөвлөөд байна. Манай аяллын ерөнхий зохион байгуулагчаар аялал жуучлалын “Dos Gallos” компани ажиллаж байгаа. Энэ компаний захирал Ц.Хашчулуун өөрөө аялах дуртай нэгэн юм билээ. Тэр Антриктидаас бусад бүх тивийн 200 гаран орноор аяласан гэсэн. Ц.Хашчулуун захирал уг нь бидэнтэй хамт аялах байсан ч Монгол болон Америк дахь компаний бизнестээ анхаарлаа хандуулах болоод энэ удаад аялах боломжгүй болсон ч бидний аяллын ерөнхий зохион байгуулагчаар ажиллаж байна. Тэртээх 13 зуунд Чингэс хаан дэлхийн талыг эзэлж байсан бол үр сад нь болсон бид өнөөдөр эзэн Чингэсийнхээ элч нь болон дэлхийг тойрох гэж байна. Бид энэ удаад улс орнууд дэлхийн дулаарал, цаг уурын өөрчлөлттэй хэрхэн тэмцэж байгаа туршлагыг судлан хамтрах, монголын цөлжилт, элсний нүүдэл, шар шороон шуургыг бууруулах сааруулахад хүн төрөлхтөн хамтдаа тэмцэхийг уриалж “ЧИНГЭС ХААНЫ ЭЛЧ” дэлхийг тойрох аяллыг зохион байгуулж байна. 2011 оны 2 дугаар сардаа бид багтаад аялалдаа гарахаар төлөвлөж байгаа. За тэгээд аяллынхаа явцын тухай сонин хачинаас блог уншигчиддаа байнга хуваалцаж байнаа. Бид 3 монгол хувцасаараа гангаран дэлхийг тойрох гэж байна. Эрхэм уншигч та бидний аялалд саналаа нэмэрлэн сэтгэгдлээ илгээгээрэй. Өнгөрсөн жил эхэлүүлсэн “БАЙГАЛЬ ЭХ ДЭЛХИЙГЭЭ АВРАХ ТЭНГЭРЛЭГ АЯН-999”-өө ч энэ жил бас үргэлжлүүлнэ. Ингээд хүсэн хүлээсэн 2011 ондоо ихийг амжуулахыг бодон төлөвлөж байна даа. Миний ивээл туулай жил бас энэ онд тохиож байгаа учраас хийж байгаа болон хийх гэж байгаа ажлыг минь ивээнэ гэдэгт найдаж байна.

УНТАЖ СЭРЭХИЙН ХООРОНД ГЭЛДРЭГСДИЙГ СЭРЭЭН СЭНХРҮҮЛМЭЭР БАЙНА, БИ

Хун шувуу шиг сүргээ даган зорилгогүй нисч би чадахгүй
Хуягандаа нуугдах дун шиг амирлангуй байж би чадахгүй
Эзэндээ дөрлөгдсөн адгуус шиг аяар нь дагаж би чадахгүй
Эргээ дагах голын ус шиг голдрилоороо урсч би чадахгүй
Аз түшинэ хэмээн найдаад гараа хумин тайвшрахыг тэвчихгүй
Ам тангаргаасаа няцаж буцсан гөлгөртэй мөр, тохой зэрэгцэхгүй
Ард иргэдээ аргацаан хуурсан арчаагүй түшмэлийг би дэмжихгүй
Амиа хичээн алийгаа алдсан адгийн тэнэгтэй би эвлэрэхгүй
Уруул даван гарах урамгүй үгсийн санг үгүй хийж халмаар байна
Ууж балартсан эрсийн мунхагийн түйтгэрийг үлдэн хөөмөөр байна
Унтаж сэрэхийн хооронд гэлдрэгсдийг сэрээн сэнхрүүлмээр байна
Уулгалах өстөнтэй хорслоор бус уучлалаар эвлэлдэн нэгдмээр байна
Нүгэлт орчлонгийн бусармаг үйлдлийг нухчин дарахыг хүснэ
Нуруугаа бөгтийтөл амьдралд нухлагдсан элбэрэлт эхийг аврахыг хүснэ
Айл гэрийн аз жаргалын үүдийн түлхүүрийг атгуулахыг би хүснэ
Ариун үйлсийн гэгээн зам мөрийг тодруулах анхдагч болохыг хүснэ
Цэлмэг тэнгэрийн наран мэт мандан бадрахыг хүснэ
Цайвалзан гялалзах оддын хүрээлэнд саран мэт гийхийг хүснэ
Угтах ирээдүйгээ бодитойгоор мэдэрч урган өсөхийг хүснэ
Угтаа би гэрэл гэгээтэй бүхний эхлэл байхыг дээдлэн хүснэ

ТЭНГЭР ШИГ БАЙ

Хамаг бүгдээр чамайг Харааж нулимж байвч, тэнгэр шиг бай! Хамгийн сайн хүмүүс гэж Хашгирч ерөөж байвч, тэнгэр шиг бай! Тэвчээр барагдаж, нөхөд чинь орхивч Тэнгэр шигбай, мөнхөд амгалан... Тэргэнд суулгаж, алтан титэм өмсгөвч Тэнгэр шиг бай, юу ч болоогүй юм шиг... Хамгийн хайртай хүн чинь хаяж одсон ч Хан тэнгэр нурчхаагүй цагт, бүү зов! Гүтгэж, доромжилж бахаа ганц хангавч Гүн тэнгэр хэмхрээгүй цагт, бүү ай! Өвчин зовлонд нэрвэгдэж, тартагтаа тулавч Өнө мөнхийн тэнгэр шиг бай, чи ялна Өрөөл бусдад тоогдохоо байж, мартагдавч Өндөр тэнгэр дээр чинь цэлийж буйг бүү март! Яг л амьдрал чинь дуусаж, явах замгүй болсон ч Яадгаан алдалгүй хүлээ, тэнгэр шиг бай! Яруухан санаа мехөсдөж, хулгай зэлгийд өртсөн ч Ядмагхан амьтдыг бүү тоо, тэнгэр шиг бай Олз омог чамд үүдээ хаасан ч тэнгэр шиг бай Олон түмэн нүүрээ буруулсан ч тэнгэр шиг бай Одод гялалзаж, наран саран ээлжлэх цагт Орчлон дээр аавын хүү шантрах ёсгүй!... Уур омог урин мунхгийг мартаж, тэнгэр шиг бай Уйтан хорвоогоос илүү гарч, жигүүрээ дэлгэ... Цөхрөл чамайг багалзуурдаж, цөлийн чоно шиг болгосон ч Цөс ихтэй хүний үр гэдгээн бүү мартаарай!... Цорын ганц хүү минь, бас охид минь, хүүхдүүд минь Цохолж ирэх үйлийн үрээс бүү зугт, бүү ай!... Хувь заяатай ямагт эвлэрч, тэвчээртэй бай... Хуучин цагийн мэргэд хүлээж сурсан юм шүү!... Орох оронгүй болсон цагтаа орчлонг бүхэлд нь олно, чи! Онцлох нөхөргүй болсон цагтаа , хүнийг бас ойлгоно чи ! Аз жаргал ирнэ гэвч , удалгүй алга болдог юм Аюул зовлон тохионо гэвч , төдөлгүй арилдаг юм ... Жамаараа ертөнцөд юм бүхэн өдөр , шөнө шиг ээлжилнэ Жаргал зовлонгийн алинд ч , мөнх тэнгэр шиг бай !... Атаатан түмэндээ мууг үйлдэвч , хариуд нь сайныг бүтээ . Ариун сэтгэлийн нугад буяны цэцэгс дэлгэрдэг юм ... Ямагт чиний зөв байх албагүй , сайтар тунгаа Ярьж хэлэх , хөдлөх бүхнээ өерөө хяна , сэтгэ Хүсэл бүхэн биелэх албагүй , чандалж хорь, Хүрэхийн эцэсгүй тэнгэр шиг бай, үнэнийг тэмтэр!... Юм бүхэнд өөрийн цаг буй, сөрөөд нэмэргүй Юлд атгасан хүн тулаанд хэрэгтэй, хуриманд нэмэргүй Нохой болохоос нь өмнө гөлгийг хазаж хэмлэдэг юм... Ноён болохоос нь өмне хөвгүүнийг басаж доромжилдог юм Самуун дэгдээгчид үйлээн тайван хийг Сандарч тэвдэх хэрэггүй тэнгэр шиг бай ! Салхи цагаан болохоор бүхнийг хийсгэдэг юм Саваагүй амьтдын зиндаанд бүү уна !... Эрх мэдэлтэй хүн хилэнц нүглээс зайлахгүй Эд баялагтай хүн хүсэл шуналаас хагацахгүй Ертөнцийн бүх юм хэмжээтэйг бүү март Ер цагаа болохоор хумхийн тоос шиг сарнина Энгийн хүн ардад ээлтэй бай, хайртай бай Элдэв бусармаг явдалд бүү орооцолд!... Үнэтэй цайтай бүхнээ бусдад өгч сур, бүү харамс Үүрд оршихгүйн учир тус болох үйл бүтээ!... Гаднаан ямагт бусдаас доорд бай, даруу бай Гайхуулах хэрэггүй, дотроон тэнгэр мэт агуу бай! Үг яриа хэрэггүй газарт харцаараа өгүүлж сур, Үнэн худлыг ялгах аргагүй цагт бурхандаа залбир! Өнөөдөр чамайг маргааш бусдыг хуурах хүмүүст Өөр шигээ бүү итгэ, мөрийг хөөж чигийг барь!... Хүү минь, хамгийн эцэст хэлэхэд нохой явдлыг дээдэл Хүлцэн тэвчихээс илүү гавьяаг би мэдэхгүй!... МИНИЙ УНШИХ СОНСОХ ДУРТАЙ ГАНЦ ШҮЛЭГ।СЭТГЭЛ ГЭГЭЛЗЭЭД НЭГ Л ТОГТОЖ СУУЖ ЧАДАХГҮЙ ҮЕДЭЭ БИ О।ДАШБАЛБАР АГСАНЫ ЭНЭ ШҮЛГИЙГ УНШИЖ ТАЙВШИРДАГ ЮМ ДАА.

ЮУГ ӨГҮҮЛНЭ ВЭ

Зөөлөн зөөлнөөр унах намрын шар навчис юуг өгүүлнэ вэ
Зөнгөөрөө туулж яваа амьдралын минь тухай өгүүлнэ үү
Зөв, буруу хийсэн алхам бүрийг минь сануулна уу
Зөгнөж хэлэх ирээдүйн минь тухай учирлана уу
Зөөлөн зөөлнөөр унах намрын шар навчис юуг өгүүлнэ вэ

Будран будран хаялах өвлийн цагаахан цас юуг өгүүлнэ вэ
Бусдын л адил туулж яваа амьдралын минь тухай өгүүлнэ үү
Будилж, шийдэж хийсэн алхам бүрийг минь сануулна уу
Булзах аргагүй ирээдүйн минь тухай учирлана уу
Будран будран хаялах өвлийн цагаахан цас юуг өгүүлнэ вэ

Эргэлдэн эргэлдэн хуйлрах хаврын саарал шороо юуг өгүүлнэ вэ
Эргэлт буцалтгүй туулж яваа амьдралын минь тухай өгүүлнэ үү
Эргэлзэж, эргэцүүлж хийсэн алхам бүрийг минь сануулна уу
Элдэв учрал тохиох ирээдүйн минь тухай учирлана уу
Эргэлдэн эргэлдэн хуйлрах хаврын саарал шороо юуг өгүүлнэ вэ

Шиврэн шиврэн орох зуны зөөлөн бороо юуг өгүүлнэ вэ
Шийдэмгий гэгч нь туулж яваа амьдралын минь тухай өгүүлнэ үү
Шийдвэр гарган хийсэн алхам бүрийг минь сануулна уу
Шинэ бүхэнтэй золгох ирээдүйн минь тухай учирлана уу
Шиврэн шиврэн орох зуны зөөлөн бороо юуг өгүүлнэ вэ

САРНЫ ЦАГААН ЦУС

Эцгээс нь өөр эртэй садарлаж байгаа эхийнхээ бусармаг үйлдлийг хараад тэвчилгүй ээжийгээ сүлбэн амийг нь егүүтгэсэн хүүгээ аав нь борц болтол нь хатааж буг чөтгөр хөлсөө гарган хооллог гэж түшмэддээ тушаал буулгаж байх юм. Энэ бол Ардын уран зохиолч Бавуугийн Лхагвасүрэнгийн “Сарны цагаан цус” жүжгийн эхлэл. Анхаа бид 2 өнгөрсөн хагас сайн өдөр энэ жүжгийг үзлээ. Хүний хөл татарч мөр нь бүдгэрэн балрах шахсан театр энэ өдөр үзэгчдээр дүүрэн байлаа. Үзэгчдийн ихэнхи нь залуучууд. Тэд жүжгийг үнэхээр кайфтай үздэг болж. Үзэгдэл болгоны дараа нижгэнэтэл алга ташин жүжигчдэд урам хайрлах нь нэг л өвөрмөц соёл мэт санагдаад байснаа нуух юун. Жүжгийн гол дүрд “Хасар” Жагаа гэргий Урнаатайгаа тогложээ. Жагаагийн залуу хатаны дүрийг “Хэцүү анги” киноны Зулаа бүтээж. Энэ дүрд Зулаа маш сайн тоглосон гэж би хувьдаа дүгнэсэн. Тэр нэг их хөөрхөн инээгээд л учраа мэдэхгүй хатан болж жүжиглэж байгаа нь үзэсгэлэнтэй харагдаж байлаа. “Цогт тайж” кинон дээр Монголын сайхан бүсгүй Цогзолмаа гуай Дулмаагийн дүрийг гайхалтай бүтээсэн байдаг. Залуу жүжигчин Ганчимэг Цогзолмаа гуайн энэ дүрээс дутахааргүй дүрээ үзэгчдэд “нааж” чадлаа. Тэр энэ чигээрээ жүжиглэх урлагт гайхалтай мэргэшиж чадвал ирээдүйн “од” яах аргагүй мөн болох нь. Жүжигчин Эби ханхүүгийн дүрийг бас л гайхалтай бүтээсэн байна лээ. Жүжгийн турш би Зулаагийн инээхийг магтаад л. Харин Анхаа Эбигийн дуу хоолой нь ямар гоё юм гээд л дахин дахин яриад суусан. Жүжиг үзэх 2 цаг шахамын хугацаанд би Зулаад, Анхаа Эбид дурлаваа гэж... Жүжгийн төгсгөлд үзэгчид жүжигчдийг уухайлан алга ташилтаар угтаж урам хайрлаж байсан. Өлгүүрээс хувцасаа авах гээд дугаарлан зогсож байгаа хүмүүс бүгд л өөр өөрийнхөөрөө жүжгийг дүгнэн ярьж байгаа нь монголчууд урлагийн гайхалтай мэдрэмжтэй ард түмэн гэдгийг батлах мэт. Хан аав болох “Хасар” Жагаа “Нөмөр болдоггүй толгод, Нөхөж болдоггүй гарз гэж байдаг юм байна” хэмээн Хатаныхаа араас эмгэнэн гашуудаж байгаа нь хайр дурлалдаа үнэнч эрийн дүрийг гайхалтай гаргаж чаджээ. Гайхалтай. Ухаарал, омогшил, гайхшрал хайрласан гоё жүжиг үзэж сайхан кайф авлаа.

МИНИЙ ҮЕ ҮЕИЙН ТӨРХ

ҮЗЭСГЭЛЭНТ ИХ ГАЗРЫН ЧУЛУУНД
ДЭЛХИЙД ГАНЦХАН БАЙГАЛИЙН ЗАДГАЙ ТЕАТРЫН ТАЙЗАН ДЭЭР ГАРЧ ҮЗЛЭЭ НЭГ МОД ТАРЬВАЛ ЭНЭ НАСНЫ БУЯН ГЭСЭН

ЦЭЦЭГЭНД НУГАСГҮЙ БОЛСОН Ш ДЭЭ, БИ

СОНИУЧ ЗАН ГЭНЭТ ХӨДЛӨӨД НҮХТЭЙ ХАДНЫ ДУНДУУР МӨЛХЧИХВӨӨ ХӨ

ЧАЦАРГАНЫ ҮРИЙН ТАЛБАЙ БАЙГУУЛЖ ЯВАА МИНЬ

ИХ ГАЗРЫН ЧУЛУУНД ОЧИЖ САЙХАН АМРСАН ДААХӨ

ЭЭЛЖИТ БУУ ХАЛАЛТ МАШИН ДОТОР ҮРГЭЛЖИЛЖ БАЙГАА НЬ

МАНАЙ СОНИНЫХОН

ГООДОЙН АМРАЛТАНД

ДЭГГҮЙТЭЛТ

ГЭРТЭЭ ГАНЦААРАА

"ХҮМҮҮС" СОНИНЫ ШИНЭХЭН СУРВАЛЖЛАГЧ

БУМБАТЫН АМРАЛТАНД ОЧИЖ ЭНЕРГИ АВАХ Ч САЙХАН ШҮҮ

ХОСЛОЛ ЗУРАГ ЮМ ГЭНЭ ЛЭЭ

БУМБАТАД

ЭРХЛЭГЧ ШИНЭ ДУГААРААСАА АЛДАА ХАЙЖ СУУГАА НЬ

ШИНЭ ЖИЛ

МОНГОЛЧУУДЫН ЗОХИОСОН "ХАЯГДАЛ" МАШИН

ШИНЭ ДУГААРАА ГАРГАХ ГЭЭД НОЙРГҮЙ ХОНОЖ БАЙГАА НЬ

ТУУЛ ГОЛД

ЭНЭ СТАКАНД ПИВО ХИЙЖ УУХ УУ? ДУРТАЙ КОЛАГОО ХИЙЖ УУДАГ ЮМ БИЛҮҮ

ГАЙХШРАЛ

БОДЛОГШИРОЛ

МОД ТАРИХДАА ӨМССӨН ГАНГАРАА

МИНИЙ ШИНЭ ТӨРХ

Яагаад ч юм сүүлийн үед би дүр төрхөө өөрчлөөд байна। Сахалаа ургуулаад үсээ бодож бодож байгаад "этгээд"-ээр засуулчихлаа। Үсээ засуулах гэж Их дэлгүүрийн хажууд байдаг Солонгос үсчиний Аагий гэгч залуутай өдрийн хагасыг барсан даа। Тэгээд ийм дүртэй боллоо। Миний шинэ дүр зарим хүмүүст таалагдахгүй байж магад। Гэхдээ би өөрийгөө ийм болгох гэж их хүссэн юм.